Ky arrestim ka nxitur reagime nga zyrtarë të lartë të Shteteve të Bashkuara të Amerikës dhe Bashkimit Evropian, shkruan Reuters.

Këshilltari i ardhshëm amerikan i sigurisë kombëtare në Administratën e Joe Biden,  Jake Sullivan, ka reaguar në Twitter duke kërkuar lirimin e menjëhershëm të Alexei Navalny.

“Navalny duhet të lirohet menjëherë dhe autorët e sulmit të egër mbi jetën e tij duhet të mbajnë përgjegjësi”.

Gjithashtu edhe presidenti i Këshillit Evropian, Charles Michel, e ka kërkuar lirimin e menjëhershëm të Alexei Navalny.

Michel ka thënë se do t’i kërkojë BE-së që me shpejtësi të vendosë sanksione të reja ndaj Rusisë.