Pas humbjes turpëruese ndaj Leicester City, Manchester City sonte lëshuan pikë në përballjen me Leeds United.

Kështu, në tri ndeshjet para të këtij sezoni, Manchester City regjistron një fitore, një humbje e një barazim.

Hera e fundit që i ndodhi kjo gjë Pep Guardiolas ishte në sezonin e tij debutues si trajner, me Barcelonën (2008/09), përcjell lajmi.net.

Asokohe, Barcelona e Guardiolas do ta përfundonte sezonin duke fituar tripletën.

Barca bëhej skuadra e parë spanjolle që arrinte një gjë të tillë (2008/09).

Kjo statistikë mund ta lë Pep Guardiolan me shpresën se historia mund të përsëritet. /Lajmi.net/