Një nga lojtarët më të paguar në botë, i cili fiton 21 milionë euro në sezon, ka një kontratë me Realin deri në verën e vitit 2022.

Bale në të kaluarën kishte zemëruar tifozët e Real Madrid duke thënë se për të nuk do të ishte asgjë të luante golf deri në fund të kontratës me ‘Los Blancos’.

Kjo deklaratë kishte bërë që Bale të mos jetë më një lojtar i preferuar i tifozëve, të cilët nuk kanë kursyer fishkëllimat.

“Herën e parë që 80 mijë njerëz më fishkëllyen mua, nuk e kuptova pse. Fishkëllimat nuk ju bëjnë mirë, dhe ju filloni të humbni vetëbesimin”, ka deklaruar Bale, përcjell lajmi.net.

“Tifozët duhet të na ndihmojnë të kapërcejmë disa kriza dhe të luajmë më mirë, por thjesht ka ndodhur e kundërta”.

“Ju mund të luani pesë ndeshje mirë në futboll, por ju nuk shënoni gol. Ju e dini që keni luajtur mirë, por fishkëlleheni sepse nuk shënuat gol. Mendimi im është më i rëndësishëm për mua dhe unë nuk shqetësohem për atë që të tjerët mendojnë”.

Duket se tifozët e Real Madrid duhet të durojnë Bale edhe për një sezon, pasi nuk pritet një largim i tij pas krizës së shkaktuar nga COVID-19./Lajmi.net/