Costa ka luajtur vetëm 90 herë në tre sezone për Juve për shkak të problmeve të ndryshme të muskujve, dhe 29-vjeçari pranon se ata kanë ndikuar në vetëbesimin e tij.

“Ka raste kur mendoj: ‘A mund të luaj akoma?’, tha ai për The Players’ Tribune, transmeton lajmi.net.

“Kjo është sepse unë dal në fushë dhe lëndohem përsëri. Pastaj, kur e shikoj në TV, mbaj mend që ky është pasioni im dhe që akoma mund të luaj në një nivel të lartë”.

“Kjo është ajo që më mban gjallë, unë e di se futbolli është gjithçka për mua. Nuk ka asnjë lidhje me paratë apo të qenurit i famshëm”.

“Çështja është të bëni atë që ju pëlqeni dhe të argëtoheni duke e bërë atë. Ky është objektivi im”, përfundoi ai. /Lajmi.net/