Qeveria e Spanjës në një konferencë të mbajtur sot (e shtunë), ka bërë të ditur se La Ligas do t’i lejohet vazhdimi i kampionatit nga 8 qershori, përcjell lajmi.net.

“La Liga mund të rifillojë më 8 qershor”, ka deklaruar kryeministri i Spanjës, Pedro Sanchez.

La Liga do të bëhet liga e dytë e madhe që rikthehet pas Bundesligës, e cila tashmë ka rifilluar kampionatin.

Në Spanjë, sezoni është ndërprerë pas xhiros së 27-të, dhe kanë edhe 11 xhiro për t’u luajtur, me Barcelonën që kryeson me 58 pikë, dy më shumë se Real Madrid./Lajmi.net/