Sezoni 2019/20 i futbollit në Spanjë vazhdon të jetë në pikëpyetje, edhe pse skuadrat janë kthyer në stërvitje.

Titulli i kampionit, skuadrat që garojnë në Evropë, ato që bijnë nga liga e ato që promovohen janë pikëpyetjet mbi të cilat diskutohet më së shumti.

Lidhur me titullin e kampionit ka folur edhe portieri i Real Madrid, Courtois, i cili ka shprehur besimin se nëse kampionati rifillion, skuadra e tij do ta fitojë titullin.

“Asnjëherë nuk kam thënë se ne duhet të shpallemi kampionët nëse liga merr fund. Ne jemi më të mirë, edhe nëse kemi pësuar nga Betis”, ka thënë Courtois, transmeton lajmi.net.

“Nëse luajmë 11 ndeshjet e mbetura, unë besoj se skuadra ime mund të fitojë ligën”, ishin fjalët e belgut.

Real Madrid ka 2 pikë më pak se Barcelona dhe mban pozitën e dytë në La Liga, pas 27 xhirove të luajtura. /Lajmi.net/