Ylli i Arsenal, Aubameyang, i ka dhënë shenja të forta interesimi skuadrës së Real Madrid.

Sulmuesi nga Gaboni ka shprehur dëshirën që të luajë me ‘Los Blancos’, duke thënë se kjo ka qenë dëshira e tij e përhershme, dhe një premtim që i ka bërë gjyshit të tij.

“Real është klubi i zemrës sime dhe i kam premtuar gjyshit tim se do të luaj atje një ditë. Shpresoj që kjo do të ndodhë”, ka thënë Aubameyang, transmeton lajmi.net.

Real Madrid dëshiron që Arsenal të kthejë një përgjigje për lojtarin, para datës 15 qershor.

Aubameyang ka kontratë të vlefshme me ‘Gunners’ vetëm deri në qershorin e vitit 2021. /Lajmi.net/