Liderët aktual të La Liga, Real Madrid, janë në kërkim të shërbimeve të mesfushorit spanjoll, Fabian Ruiz.

Fabian, i cili aktualisht luan me skuadrën e Napolit, ka regjistruar paraqitje shumë të mira duke tërhequr kështu vëmendjen e madhe nga La Liga.

Barcelona dhe Real Madrid janë të interesuara për lojtarin, por sipas raportimeve të ‘Mundo Deportivo’, ‘Los Blancos’ pritet të bëjnë një lëvizje për yllin spanjoll, transmeton lajmi.net.

Madrilenët pritet të ofrojnë rreth 80 milionë euro për kartonin e lojtarit.

Kërkesat e Napolit kanë shkuar deri në 100 milionë euro, por me hapjen e mundshme të negociatave, kërkesat mund të ndryshojnë. /Lajmi.net/