Të udhëhequrit e Maurizio Sarri nuk arritën të shënojnë fitore, duke e gjetur vetën në disavantazh qysh në minutat e para të takimit.

Më të mirët e K-League arritën të zhbllokojnë rezultatin me anë të golit të shënuar nga Osmar, në miuntën e 7’, shkruan lajmi.net.

Përgjigja ishte e shpejtë nga ‘Zonja e vjetër’, të cilët pas dy minutave realizuan me anë të Simone Muratore.

Vendasit shënuan edhe një herë në minutën e 45’, për të shkuar në pushim me epërsi prej 2:1, me Cesinha që shtyu topin në rrjetë.

Yjet e K-League nuk u ndalën dhe befasuan përsëri, duke shënuar për 3:1 me anë të Adam Taggart, në minutën e 50’, shkruan lajmi.net.

Blaise Matuidi arriti të zbehte epërsinë kur në minutën e 78’ shënoi golin e dytë për italianët, të cilët pas tre minutave do të barazonin me anë të Matheus Pereira. /Lajmi.net/