‘iOS’-i i ardhshëm me një super-veçori, do bëjë që t’iu zgjasë bateria më shumë
Përditësimi i sistemit operativ 'iOS13' i 'iPhone'-it do të nisë këtë vjeshtë, duke përfshirë një veçori të re që do ta bëjë baterinë tuaj të iPhone të zgjasë shumë më gjatë.
Auto & Tek
Është një problem që shqetëson shumicën e përdoruesve të ‘iPhone’-it, por mos-zgjatja e baterisë tashmë mund të jetë vetëm një problem i së kaluarës, transmeton lajmi.net.
Përditësimi i ri i radhës së sistemit operativ ‘iOS’ do ketë një karakteristikë të re që do bëjë baterinë e smartfonit tuaj të zgjasë më shumë sesa më herët.
Ndërsa një numër i konsiderueshëm i njerëzve ngarkojnë telefonat brenda natës, ngarkimi i baterisë në 100% mund të dëmtojë baterinë tuaj.
Përditësimi përmban një veçori të quajtur ‘Optimised Battery Charging’, i cili në rast aktivizimi, do ta mbushë baterinë tuaj vetëm deri në 80%, në mënyrë që ta mbrojë atë.
“Një opsion i ri që ndihmon në ngadalësimin e shkallës së plakjes së baterisë”, deklaroi gjiganti teknologjik ‘Apple’. /Lajmi.net/