Manchester City arriti që të merrte fitore mjaft të mundimshme kundër Leicester, duke fituar me rezultatin minimal, 1:0.

Me këtë ndeshje të fituar pa pësuar gol, skuadra e Pep Guardiolas parakalon Liverpoolin në tabelë, por edhe Ederson Moraes barazon rekordin me portierin e ‘Reds’, Alisson Becker.

Kjo është ndeshja e 20-të këtë edicion që braziliani e mbyll pa pësuar gol, po aq sa ka bërë edhe Alisson, përcjell lajmi.net.

Ederson është portieri i parë në historinë e Manchester City që e bën një gjë të tillë.

Gjithashtu, është hera e parë në Premierligë që nga viti 2008/09 dy portierë arrijnë të mbajnë portën të paprekur në 20 apo më shumë ndeshje.

Ishin Edwin va nder Saar (21) dhe Pepe Reina (20) që e kishin bërë këtë për herë të fundit.

Kështu, me rekordet e barazuar, gara për ‘dorezën e artë’ mund të shkojë në favor të Ederson, duke pasur parasysh se ai ka regjistruar edhe asistime këtë sezon, si dhe ka më pak gabime që kanë sjellë direkt golin e kundërshtarit, krahasuar me Alisson. /Lajmi.net/