Lajm i keq për Shqipërinë para ndeshjes me Spanjën (FOTO)
Si të mos mjaftonte mungesa e Strakoshës, Abrashit, Cikalleshit, Mavrajt, Roshit dhe Kukelit, në infermierinë e Kombëtares shqiptare është shtuar edhe një tjetër futbollist.
Sport
“Supersport” mëson nga Spanja se mesfushori kavajas Andi Lila nuk do të jetë i gatshëm në sfidën e sotme ndaj Spanjës, pasi ka pësuar një tërheqje muskulore.
Dëmtimi i Lilës pak orë para ndeshjes, duket se ka shkaktuar dhimbje koke për trajnerin Panucci, i cili i ka tepër të reduktuara zgjedhjet ne krahun e djathtë.
Ndeshja mes Spanjës dhe Shqipërisë fillon nga ora 20:45, dhe është e vlefshme për kualifikimet për Kampionatin Botëror, që në vitin e ardhshëm organizohet në Rusi./Lajmi.net/