Slaven Bilic ka shpjeguar arsyjen pse tifozët e Kroacinë e ndërprenë përkohësisht ndeshjen me Republikën çeke duke hedhur fishekzjarrë në fushë.

Menaxheri i West Hamit, ish selektor i Kroacisë ka thënë se problemet e mëdha në vend janë përcjell edhe në futboll.

“Është e dhimbshme të flasim për gjëra që nuk kanë lidhje me futbollin, por është e vërtetë se ne kemi një problem  të tillë”, u shpreh ai gjatë një transmetimi ku ishte i ftuar si mysafir, përcjell “Lajmi.net”.

“Kjo ka ndodhur edhe në Milano, por ka filluar para 7-8 vjetësh. Shumë tifozë janë kundër Federatës dhe fatkeqësisht ndodh kjo. Vazhdimisht paguajmë gjoba, na është bërë normale që të luajmë para tribunave të zbrazëta. Sigurt jemi sponsori më i madh i UEFA-së”, shtoi ai.

Parashikoni ndeshjet e EURO 2016 dhe fitoni dhjetëra shpërblime, duke përfshirë një iPhone 6S dhe Samsung Galaxy Note 4.