“Euro 2016”, sot na pret një super ndeshje
Portugalia takohet me Austrinë në kryendeshjen e ditës së sotme në “Euro 2016”.
Sport
Portugalia kërkon fitoren e parë në “Euro 2016”.
Por, nuk do ta ketë aspak të lehtë.
Cristiano Ronaldo me shokë ndeshet me Austrinë në kuadër të Grupit F, në ballafaqimin e skuadrave që dëshirojnë të kthehen në rrugën e duhur, pas zhgënjimeve në takimet e para, përcjell “Lajmi.net”.
Portugalia barazoi me Islandën 1:1.
Kurse, Austria e pësoi edhe më keq duke u mundur nga Hungaria me rezultat 2:0.
Andaj, sonte nga ora 21:00 na pret një duel i nxehtë. Para tyre, në ora 15:00, Belgjika ndeshet me Republikën e Irlandës në Grupin E.
Kurse, në atë F, Hungaria takohet me Islandën nga ora 18:00.
