Liverpool është në kërkim të sulmuesve për sezonin e ri. Mario Balotelli dhe Rickie Lambert nuk kanë dhënë shkëlqimin e pritur andaj Reds po bëhen gati për blerje të reja.

Dhe, sipas mediave britanike, Liverpool mund të realizojë dy super blerje për sezonin e ri, që në rast se vërtetë konfirmohen, do t’i gëzojnë tej mase tifozët e klubit.

Reds janë të gatshëm të paguajnë 40 milionë euro për transferimin e sulmuesit të Real Madridit, Karim Benzema, i cili thuhet se do të largohet nga klubi në verë.

Kurse, Liverpool po ashtu kërkon edhe Ezequiel Lavezzin. Sulmuesi argjentinas do të ndahet nga Paris Saint-Germain dhe mund të jetë në dispozicion për rreth 10 milionë euro.