Legjenda e Arsenalit, Thierry Henry ka insistuar se nuk mund të besojë nivelin e fyerjeve ndaj menaxherit Arsene Wenger, dhe fillimisht besoi se bëhej fjalë për ndonjë shaka kur strategu u konfrontua nga tifozët pas disfatës 3:2 ndaj Stoke Cityt.

Henry i cili i dha fund karrierës së tij si futbollist në New York Red Bulls më 2014, ishte i tmerruar nga ballafaqimet kundër një figure të rëndësishme si Wenger.

“Kam menduar se ishte shaka kur dëgjova”, deklaroi Henry për të përditshmen britanike “The Independent”.

“Ju mund të jeni të zemëruar, e kuptoj, por ajo që ndodhi në Stoke është e papranueshme. Wenger meriton mbështetje”, u shpreh ai.