Kurir: Provokim i ri nga tifozët shqiptarë
Portali serb “Kurir” është ankuar se tifozët shqiptarë sërish e provokuan Serbinë edhe në ballafaqimin miqësor kundër Francës në Rennes.
![](https://lajmi.net/wp-content/uploads/media/image/201411/full/68169900_68176900.jpg)
Sport
Shqipëria zhvilloi lojë fantastike dhe barazoi 1:1 në udhëtim ndaj Francës në ndeshjen miqësore të zhvilluar në Rennes.
Dhe, dueli u përcoll nga një numër i madh i tifozëve shqiptarë. Me mbështetjen e tyre të zjarrtë ata motivuan futbollistët shqiptarë në fushë, por sërish zgjuan vëmendjen e serbëve që si zakonisht, u akuzuan për sjelljen e tyre.
Portali serb “Kurir”, shkruan se tifozët provokuan Serbinë me këngë nacionaliste, dhe me shfaqjen e flamurit të Shqipërisë së Madhe, i njëjti që valoi mbi stadiumin e Partizanit të Beogradit, në ndeshjen e ndërprerë në kuadër të eliminatoreve për Euro 2016.