Kosova dhe Serbia janë pajtuar për një moratorium i cili ndalon ndërtimin e çfarëdo punimi për vendosje të barrikadave në veri të  Mitrovicës, dhe në rast të mos respektimit të këtij moratoriumi institucionet relevante të Republikës së Kosovës do të reagojnë në zbatim të ligjit. Kjo është bërë e ditur për mes një komunikate nga Qeveria e Kosovës pas takimit që kanë zhvilluar të dy palët në Bruksel. Po ashtu palët do të takohen përsëri me 22 korrik ku do të përgatiten plane konkrete, afate, për të pastruar atë pjesë nga barrikadat dhe funksionimin e asaj pjesë sipas ligjeve të Republikës së Kosovës.

Zëvendëskryeministrja Tahiri  ka thënë se vendosja e barrikadave është e papranueshme dhe se ato duhet të largohen menjëherë dhe të respektohet lëvizja e lirë, konform ligjeve të Republikës së Kosovës dhe marrëveshjeve të dialogut të Brukselit.

Tahir këto deklarata i ka bërë gjatë takimit për çështjen e heqjes së barrikadave, thuhet në një njoftim të Qeverisë së Kosovës.

“ Qeverisë  Kosovës vlerëson se vendosja e barrikadave është e papranueshme dhe se ato duhet të largohen menjëherë dhe të respektohet lëvizja e lirë, konform ligjeve të Republikës së Kosovës dhe marrëveshjeve të dialogut të Brukselit. Vendosjen e këtyre barrikadave  është  një provokim të rëndë dhe tentim për destablizimin e Kosovës”.

“Këto veprime janë tej mase të rrezikshme dhe vetëm falë maturisë së institucioneve dhe qytetarëve të Kosovës situata nuk ka eskaluar në përmasa të mëdha”.

“Qeveria e Kosovës mbetet e përkushtuar për veprime të koordinuara me Bashkimin Evropian, mirëpo heqja e barikadave si “parku i paqes” dhe tjerat që kanë nisur së ndërtuari duhet të hiqen menjëherë dhe në rast të veprimeve të tjera të kundërligjshme dhe anarkike, ne do ti përgjigjemi me forcën e ligjit”, tha Tahiri, thuhet në komunikatën e Qeverisë së Kosovës.

 Ndërkaq, Përfaqësuesi i BE-së z. Ferndado Gentilini tha poashtu se janë të shqetësuar me këto zhvillime dhe se nuk kanë qenë të informuar për heqjen e as për vendosjen e barrikadave të reja. Ata thanë se janë duke i analizuar qasjen e të dyja palëve në këtë situatë. BE e bëri të qartë qëndrimin e saj se barrikadat duhet të largohen dhe të zbatohet në plotëni marrëveshjet dialogut të Brukselit