Iker Casillas dhe Diego Lopez luftuan për një vend titullari tek Real Madridi në dy sezonet e fundit.

Por, të dy portierët mund të largohen nga Santiago Bernabeu gjatë kësaj vere. 

Lajmin e ka bërë të ditur e përditshmja spanjolle ‘Antena 3’, sipas së cilës, Los Blancos kanë vendosur t’i largojnë dy portierët, pasi mendojnë të përforcohen me dy portierë të rinj.

I pari është Keylor Navas, portier aktual i Levantes dhe heroi i Kosta Rikës në Botëror, si dhe Kiko Casillan, portier i Espanyolit, i cili është rritur në akademinë e Realit.

Të dy portierët janë 27 vjeç dhe mund të transferohen në Real Madrid gjatë kësaj vere. Negociatat tashmë kanë filluar.