Ganimete Musliu do të jetë përsëri deputete e Kuvendit të Kosovës, e cila do të zë vendin e Vlora Çitakut, që ka dhënë dorëheqje nga posti i deputetes së Kuvendit të Kosovës. 

Musliu në zgjedhjet e 8 qershorit kishte marrë 5 mijë e 37 vota. 

Ajo do zë vendin e Çitakut në Kuvendin e Kosovës, për shkak të plotësimit të kuotës për femra. 

Ministrja në largim e Integrimeve Evropiane Vlora Çitaku, në zgjedhjet e 8 qershorit kishte marrë 6177 vota. 

Çitaku ka hequr dorë nga posti i deputetes, pasi karrierën e saj politike do ta vazhdojë në stafin diplomatik të Kosovës në SHBA.