Në këtë moment të vështirë PDK gjendet pranë të afërmve dhe shpreh solidaritetin dhe mbështetjen më të madhe, thuhet në telegram.

“PDK dhe kryetari i saj Hashim Thaçi konsiderojnë se vepra e Arbënorit meriton mirënjohjen dhe respektin e të gjithëve dhe ka për të shërbyer si model i të riut patriot që përpiqet me përkushtim dhe këmbëngulje për idetë dhe vlerat në të cilat beson”.

“Jo vetëm lëvizja Vetëvendosje, por mbarë vendi ka humbur një veprimtar të madh të demokracisë së re kosovare”.

“PDK ndjen dhimbje të thellë për këtë ngjarje tragjike dhe u përcjell ngushëllimet më të sinqerta familjarëve, miqve dhe bashkëpunëtorëve për këtë humbje të rëndë në një moshë kaq të re”, thuhet në telegramin ngushëllues të PDK-së me rastin e vdekjes tragjike të Arbënor Deharit.