Kampionati botëror 2014 do të fillojë sonte me ndeshjen e parë në Grupin A mes Brazilit dhe Kroacisë, mirëpo duket se FIFA tashmë e di rezultatin e ndeshjes.

Sipas faqes zyrtare të Federatës ndërkombëtare të futbollit (www.fifa.com), kjo ndeshje tashmë është zhvilluar dhe rezultati përfundimtar është 2:2.

Në postimin e publikuar gabimisht e që u korrigjua më vonë, rezultati u hoq, por termi ‘rezultati përfundimtar’ mbeti. Tani, gjendet ora kur do të fillojë ndeshja.

Dueli mes Brazilit dhe Kroacisë do të fillojë sonte në ora 22:00, dhe paramendojeni nëse vërtetë përfundon 2:2. “Ishte ndeshje e kurdisur”, mund të thotë shumëkush.