Ivan Rakitic do ta vesh fanellën e Barcelonës nga sezoni i ardhshëm. Gjiganti katalunas ka arritur marrëveshje me Sevillan për transferimin e mesfushorit kroat.

Klubit nga Camp Nou do t’i kushtojë futbollisti 20 milionë euro, ndërsa zyrtarizimi i këtij transferimi pritet të bëhet të martën, pasi futbollisti t’i kryejë vizitat mjekësore.

Momentalisht, Rakitic është i grumbulluar me Përfaqësuesen, me të cilën do të marrë pjesë në Botëror.

Rakitic konsiderohet si zëvendësuesi i Cesc Fabregas, i cili pritet të transferohet shumë shpejt në Chelsea.