Një person është arrestuar në Obiliq nën dyshimet për ‘kanosje’ dhe ‘armëmbajtje pa leje’.

I njëjtui dyshohet se fillimisht kishte kanosur një grua me armë zjarri, ndërsa gjatë kontrollit në shtëpinë e tij është gjetur arma me 10 fishekë.

Pas arrestimit i njëjti është dërguar në mbajtje, transmeton lajmi.net.

“Viktima femër kosovare ka raportuar se pas një mosmarrëveshje është kanosur me armë zjarri nga i dyshuari mashkull kosovar. Gjatë kontrollit në shtëpinë e të dyshuarit është gjetur dhe sekuestruar një armë zjarri me 10 fishekë. Palët janë intervistuar dhe me vendim të prokurorit i dyshuari është arrestuar dhe dërguar në mbajtje”, thuhet në njoftimin e policisë.