I dërguari i posaçëm i Bashkimit Evropian për dialogun Kosovë-Serbi, Peter Sorensen, ka ritheksuar se procesi i bisedimeve mes Prishtinës dhe Beogradit do të vazhdojë të mbetet nën lehtësimin e Bashkimit Evropian, duke përjashtuar çdo mundësi të bilateralizimit të tij.

Gjatë një takimi në Pragë me ministrin e Jashtëm të Shqipërisë, Ferit Hoxha, Sorensen tha se normalizimi i marrëdhënieve ndërmjet Kosovës dhe Serbisë mbetet kyç për avancimin e të dyja vendeve drejt integrimit evropian, transmeton lajmi.net.

“Me ministrin e Jashtëm të Shqipërisë, Ferit Hoxha, bisedova për dialogun për normalizimin e marrëdhënieve ndërmjet Kosovës dhe Serbisë. Theksova se nuk do të ketë bilateralizim të dialogut. Ai mbetet një proces i lehtësuar nga Bashkimi Evropian mes Kosovës dhe Serbisë. Të dyja palët kanë nevojë për normalizim për të përparuar në rrugën e tyre drejt Bashkimit Evropian”, deklaroi ai./lajmi.net/

With 🇦🇱 FM @HoxhaFer, I spoke about the Dialogue on normalisation between Kosovo and Serbia. Underlined there will be no bilateralisation of the Dialogue. It stays an EU-facilitated process between Kosovo and Serbia. Both parties need normalisation to advance on their EU paths. pic.twitter.com/zajwK5AXFA

— EUSR for Belgrade-Pristina Dialogue (@EUSR_Dialogue) May 26, 2026