Milan po vazhdon insistimin për rinovimin e kontratës së Rafael Leao.

Leao ka kontratë me kampionin italian deri në vitin 2024, por ata e duan më gjatë.

Drejtuesit e klubit dhe përfaqësuesit e lojtarit janë në bisedime për të vazhduar kontratën, por nuk po bien dakord, transmeton lajmi.net.

Sipas lajmeve që po qarkullojnë në Itali, paga është problemi i vetëm.

‘Rossonerët’ i kanë ofruar pesë milionë euro në sezon, ndërsa portugezi kërkon shtatë.

Mbetet të shihet nëse do të arrihet një marrëveshje ndërmjet tyre./Lajmi.net/