Zidane i ka punët keq
Zinedine Zidane nuk i ka punët mirë në drejtim të skuadrës së Real Madrid Castilla. Ekipi nga Segunda Division B ka grumbulluar vetëm tri pikë në gjashtë ndeshje, por kryesia nuk mendon ta shkarkojë.
Sport
Tri pikë në gjashtë ndeshje, pozita e fundit në renditjen e Segunda Division B, liga e tretë e Spanjës.
Real Madrid Castilla është në krizë të thellë dhe qarkullojnë spekulime rreth mundësisë së shkarkimit të trajnerit Zinedine Zidane.
Mirëpo, sipas të përditshmes sportive madrilene “Marca”, Los Blancos nuk planifikojnë të shkarkojnë francezin, dhe i kanë dhënë votën e mbështetjes për përmirësimin e situatës.
Zidane, ikonë e Los Blancos, kaloi tek skuadra e dytë e Realit pas aventurës së suksesshme si asistent i Carlo Ancelottit në ekipin kampion të Evropës.