Xuxi është një nga artistët më urban dhe eksperimental në Kosovë. Naim Bujaku, i njohur me emrin artistik Xuxi, fillon karrierën e tij artistike në vitet ‘80, si pjesëtar i grupit “Sahara”.

Ndonëse, kaloi shumë vite në emigracion, Xuxi nuk u shkëput kurrë nga muzika. Rikthimi i tij në Kosovë e bëri të fillojë menjëherë punën për albumin e tij të parë, që pati super hite si ‘Funky ty të zëvendëson’ apo një prej baladave më të bukura të muzikës moderne shqiptare “Eja më merr”. Albumi numëron 8 këngë të stilit funky.

Një tjetër pasion i tij i vjetër është radio. Ai punon si moderator, ka një program të vetin të cilin e drejton prej vitesh. Xuxi bën pjesë në gjeneratën e artistëve të Kosovës, të cilët revolucionarizuan kulturën muzikore.

Se çfarë do të sjellë ai në skenën e ‘The Voice of Albania” ngelet për t’u parë!

Ndiqni emisionin më të ri të showbizit, prodhuar nga lajmi.net