Vetëvendosje: Vazhdimi i paraburgimit, shpërdorim i drejtësisë – Lajmi.net
Vetëvendosje: Vazhdimi i paraburgimit, shpërdorim i drejtësisë
Autori: Lajmi.net LajmePolitikë 17:46, 7 December 2017
Lëvizja Vetëvendosje përmes një statusi në Facebook, ka kritikuar ashpër mungesën e Kadri Veselit sot në seancën gjyqësore në rolin e dëshmitarit.Aty thuhet se gjyqi që po ju bëhet deputetëve të saj është gjyq politik, ku tashmë kjo gjykatë sipas tyre e ka humbur njëanshmërinë e saj.

Sipas VV, vazhdimi i paraburgimit është shpërdorim i drejtësisë.Sipas Lëvizjes Vetëvendosje gjuha që ka përdorur gjyqtari Kalludra është fyese dhe kërcënuese.

Ky është postimi i plotë në Facebook:

VAZHDIMI I PARABURGIMIT RIDËSHMON LIDHJEN E KALLUDRËS ME VESELIN

Në gjyqin politik që po i bëhet deputetëve të Kuvendit të Republikës; Albin Kurti, Donika Kadaj, Albulena Haxhiu; gjyqtari Beqir Kalludra vazhoi paraburgimin për Albin Kurtin dhe Donika Kadaj, përderisa nuk ishte në gjendje ta urdhërojë sjelljen me detyrim në gjykatë të Kadri Veselit dhe Armend Zemajt në cilësinë e dëshmitarëve. Tashmë, njëanshmëria e këtij gjyqtari të specializuar kundër VETËVENDOSJE!-s është edhe më e dukshme. Ai nuk e fsheh anën që mban.

Kalludra mundohet ta fsheh vetëm demaskimin e veprimeve të tij. Sot nuk i lejoi as mediat që ta transmetojnë drejtpërdrejtë këtë përndjekje politike.

Vazhdimi i paraburgimit për deputetët deri më 20 dhjetor është i papranueshëm, skandaloz dhe shpërfytyrim i drejtësisë. Vendimin për vazhdimin e paraburgimit, Kalludra e mori veç pak pasi e kërcënoi deputeten Albulena Haxhiu me shprehjet: “Ta marr fjalën dhe të dënoj”, duke përmendur me nervozitet edhe kallëzimin penal që e ka ngritur VETËVENDOSJE! ndaj tij.

Në pyetjen e deputetes Albulena Haxhiu se a po e kërcënon, gjyqtari i pushtetit kërcënoi zëshëm : “Po, po të kërcënoj, ankohu po deshe!”.

Kësisoj, edhe me gjuhën e tij kërcënuese, gjyqtari Kalludra ridëshmon se është dorë e zgjatur e Kadri Veselit i cili kërcënon(te) vazhdimisht Lëvizjen VETËVENDOSJE! edhe nga foltorja e kryekuvendarit.

Derisa drejtësia është në duart e një gjyqtari politik që e mban anën e klanit Pronto, aktivistët dhe deputetët tanë po e vuajnë burgun pa u shpallur fajtorë dhe me procese të montuara politike. /Lajmi.net/

Fjalët kyçe: vetevendosje

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bow Master
  • Play Supercar Showdown
  • Play Urban Basketball
  • Play Rock Wheels