Pas përfundimit të mbledhjes së Kryesisë së Kuvendi, kryeparlamentari Veseli ka dhënë detaje lidhur me dy seancat në Kuvend (të 28 dhe 29 majit).

“Më 28 maj, do të jetë seanca e rregullt, ku do të diskutohen 10 ligje që kanë të bëjnë me liberalizim të vizave, kurse më 29 maj, do ketë një seancë me një pikë të rendit ditës, votimi i Gjykatës Speciale”

“Është me rëndësi që të gjitha partitë të kenë konsensus nacional, lidhur me formimin e kësaj gjykate” ka thënë i pari i Kuvendit, raporton lajmi.net.

Veseli ka vlerësuar se pretendimit e DIck Marty-t për trafikim të organeve gjatë kohës së luftës në Kosovës, janë pengesë për Kosovën në të gjitha fushat.

“Pretendimet e Dick Marty-t janë duke u bërë pengesë për zhvillimin e vendit, prandaj ato duhet të zbardhen sa më shpejtë”, ka bërë të ditur Veseli.