Kjo është një lajm i ri vetëm pak ditë pas sulmeve tjera seksuale në Koln të Gjermanisë, e të cilat e tronditën të gjithë vendin, e më gjerë.

2 djem të moshës 14 vjeçare, dhe një 21 vjeçar, janë duke u mbajtur në Weil am Rhein, qytet i vogël afër kufirit të Zvicrës dhe Gjermanisë, e të cilët janë të dyshuar për përdhunimin e vajzave të moshës 14 dhe 15 vjeçare, transmeton lajmi.net.

Thuhet se vajzat janë mbajtur me forcë për orë të tëra dhe janë dhunuar në grup, pasi që kishin qenë në një festë në shtëpinë e një 21 vjeçari në Friedlingen.

Arrestimet kanë ndodhur mbrëmjen e kaluar, ndërsa policia thotë se të dyshuarit nuk janë azil kërkues por shtetas të Gjermanisë, raporton lajmi.net.

Detektivët gjithashtu kanë thënë se nuk besojnë që kjo ngjarje ka ndonjë lidhje me atë të Kolnit ku u abuzuan seksualisht 120 femra. /lajmi.net