Turqi, kreu opozitar thirrje për zgjedhje të parakohshme – Lajmi.net
Turqi, kreu opozitar thirrje për zgjedhje të parakohshme
Autori: Lajmi.net BotaLajme 11:43, 17 April 2018
Kreu i Partisë Lëvizja Nacionaliste (MHP) në Turqi, Devlet Bahçeli, bëri thirrje për zgjedhje të parakohshme më 26 gusht të këtij viti.

“Duhet të dihet se MHP kërkon zgjedhje të parakohshme pas miratimit të ligjeve rregulluese”, tha Bahçeli në një mbledhje të grupit parlamentar të partisë së tij.

“Shkuarja e popullit turk në zgjedhje më 26 gusht të vitit 2018, ditë e diel, pra, në përvjetorin e Fitores së Malazgirtit dhe Ofensivës së Madhe, me një frymë të re të fitores; përgjigja e merituar që do t’i jepet armiqve në zgjedhje edhe presidenciale, edhe parlamentare, është rruga më e arsyeshme, më e logjikshme, më racionale dhe më demokratike”, tha Bahçeli, raporton Anadolu Agency.

Ndërkaq, presidenti Recep Tayyip Erdoğan, i pyetur në lidhje me këtë thirrje nga gazetarët para një mbledhjeje të grupit parlamentar të partisë së tij në Ankara, tha se nesër do të zhvillojë takim me liderin e MHP-së, Bahçeli.

Më 16 prill 2017, Turqia mbajti një referendum që kërkoi nga votuesit të vendosin për ndryshime kushtetuese në 18 nene për të kaluar nga sistemi parlamentar në sistem presidencial.

Zgjedhjet e njëkohshme parlamentare dhe presidenciale për mandatin pesëvjeçar në pajtim me ndryshimet e reja kushtetuese janë planifikuar të mbahen në nëntor të vitit 2019.

Fotolajm

“Kulturë boksi” përpara Ministrisë së Kulturës në Prishtinë /FOTO
Foto, aparati për matjen e fuqisë së goditjes përpara Ministrisë së Kulturës në Prishtinë /lajmi.net ?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Supercar Showdown
  • Play Bow Master Japan
  • Play iStunt 2
  • Play Pro Kicker Frenzy