Pritjet për këtë test nga akterët që merren me arsimin në Kosovë janë shumë pozitive, ku ata thonë se do të ketë rezultate më të mira sesa në vitin 2015.

Ministria e Arsimit, Shkencës dhe Teknologjisë gjatë ditës së sotme ka bërë lansimin e një fushate për pjesëmarrjen e Kosovës në testin PISA.

Me këtë rast, ministri i Arsimit, Shkencës dhe Teknologjisë, Shyqiri Bytyqi, ka thënë se janë duke e bërë një fushatë të përgjithshme jo vetëm për PISA por edhe për çështjen e arsimit në Kosovë.

Bytyqi është shprehur optimist se këtë herë Kosova do të ketë renditje më të mirë në testin ndërkombëtar PISA.

Ministri Bytyqi ka deklaruar se në rast të rezultateve pozitive në testin PISA merita iu takon mësimdhënësve.

Ndërsa, në rast të dështimit të Kosovës se kush duhet të marrë përgjegjësi ministri tha se nuk duan të mendojnë negativisht.

Ndërkaq përfaqësuesi i GIZ, Ruben Faller, ka thënë se testi PISA ka treguar se Kosova ende po përballet me sfida në procesin e reformimit të vazhdueshëm të arsimit.