Teknologjia gati ta mposhtë verbërinë përgjithmonë
Shkencëtarët janë gati t’ua rikthejnë shikimin të verbërve, duke ju dërguar pamje direkt në tru.
Lifestyle
Për herë të parë në botë, kirurgët kanë vendosur një çip simulues vizual në trurin e një gruaje 30-vjeçe.
Pacientja, që kishte qenë plotësisht e verbër për 7 vjet, pa ngjyra, vija dhe pika kur sinjalet u dërguan në trurin e saj përmes një kompjuteri, transmeton Gazeta Express.
Doktorët e saj tani janë duke planifikuar që të dërgojnë pamje nga një video kamerë e vogël në tru, ku me këtë rast do të krijohej syri i parë bionik në botë dhe do t’u kthehej shikimi miliona njerëzve.
Teknologjia ka potencialin që t’ua rikthejë shikimin edhe atyre që kanë humbur njërin sy ose janë verbëruar si pasojë e kancerit.
Doktorët në Universitetin e Kalifornisë në Los Anxhelos janë duke pritur leje nga rregullatorët e SHBA-së që të lidhin sistemin në një kamerë dhe me një palë syze, që do të dërgonin pamje direkt në tru.
Se si do të funksionojë kjo teknologji, e shpjegon kjo foto më poshtë: