Si njofton policia irakiane, eksplodimi i parë ndodhi në lagjen Sadr Siti, në lindje të kryeqytetit irakian, transmeton agjencia amerikane e lajmeve AP. Sulmi i dytë me automobil bombë ndodhi në lagjen Ur, po ashtu të banuar kryesisht me myslimanë të sektit shiit.

Bagdadi dhe tërë Iraku janë goditur nga dhuna prejse ekstremistët sunitë, të udhëhequr nga grupet e Shtetit Islamik (ISIS) kanë okupuar pjesë të mëdha të territorit të Irakut.

Ekstremistët tash i janë afruar në distancë të rrezikshme edhe kryeqytetit bagdad, përkujton AP.

Më herët gjatë ditës së sotme është bombarduar qyteti Mosul, në veri, me ç’rast e kanë pësuar dhjetëra persona.