Shqipëria e shpalli “non grata”, reagon eurodeputetja nga Qipro
Shqipëria sot me propozim të ministrisë së Jashtme shpalli person të padëshiruar eurodeputeten qipriote Eleni Theocharous.
Lajme
Ndërsa pak orë pas vendimit reagoi edhe kjo e fundit.
Mediat greke raportojnë se e pyetur për këtë vendim të shtetit shqiptar, eurodeputetja e ka konsideruar si një titull nderi.
“Është një titull nderi për mua të vihem sërish nën targetin e një regjimi të korruptuar si ai i Edi Ramës në Shqipëri”, mësohet të ketë thënë ajo.
Ajo ka shtuar se do të vijojë që të mbështesë atë që ajo e quan “Vorio-Epir”.
“Ata nuk mund të zbehin rezistencën time, apo pasionin tim për të drejtat e njeriut dhe ruajtjen e Vorio Epirit.”-tha eurodeputetja.
Ajo është shprehur se do të flasë për vrasjen e Kaçifas në Parlamentin Europian ditën e hënë.