Shpërthim në një traget në Bali, një e vdekur dhe 20 të lënduar (Foto/Video)
Një shpërthim i madh ka ndodhur në një traget i cili po udhëtonte nga Bali në Ishujt Gili.
Bota
Në këtë traget kishte 40 pasagjerë, të mbushur edhe me turistë të cilët po shkonin për pushime në Ishujt Gili Trawangan, me ç’rast ka shpërthyer rezervuari me karburant, shkruan DailyMail, transmeton lajmi.net.
Pasagjerët e lënduar ishin nga Portugalia, Gjermania, Britania dhe Austria.
Në pak fotografi të cilat kanë arritur t’i marrin, shihen persona të plagosur por policia ka thënë se ka pasur persona me gjakderdhje të rëndë dhe me gjymtyrë të varura jashtë.
Gjithashtu, zyrtar policor kanë thënë se personi që ka vdekur nga ky shpërthim ishte një grua nga Gjermania, megjithatë shumë të tjerë të lënduar edhe kanë humbur këmbët e tyre dhe i kanë thyer.
Viktimat e lënduara, janë kryesisht të huaj, por dyshohet të ketë edhe tjerë të vdekur. /lajmi.net