“Pas provave zyrtare isha pesimist, u rendita i nënti, por gara shkoi më mirë. Punuam shumë gjatë natës dhe para garës për të bërë modifikimet e duhura. Jam i kënaqur pasi gjithnjë isha mes më të mirëve. Ky rezultat është i rëndësishëm, pasi vjen në një moment të vështirë për ne, një shtysë për të punuar e vijuar në këtë rrugë”, tha Rossi.

Piloti italian mendon se Yamaha ka ende shumë potencial për të shprehur në pistë dhe shpreson që në pjesën e dytë të këtij sezoni të fitojë. “Për momentin ky është potenciali ynë, por mund të përmirësohemi.

Ndaj ky podium është i rëndësishëm, pasi në këtë pistë gjithnjë jemi paraqitur mirë. Disa pilotë u rrëzuan dhe kjo na ndihmoi në fund, por i rëndësishëm është vendi i tretë. Botërori bëhet gjithnjë e më i vështirë, ndaj nëse duam të jemi kompetitië duhet të bëjmë gjithnjë nga një hap përpara. Yamaha nuk viton prej një viti, ndaj duhet të rikthehemi aty ku na takon”, u shpreh Rossi.