Kamera e përparme e Samsung Galaxy S10 do të posedojë me një senzor 10 megapiksel për të konkurruar me rivalin iPhone XS të Apple, transmeton lajmi.net.

Burime të brendshme të kompanisë i thanë GSMArena se të tri pajisjet do të posedojnë kamera që do mbështesin ngjyra 10-bit. Kjo nënkupton se pajisjet do jenë në gjendje të kapin 1 miliardë ngjyra.

Gjithashtu, është bërë e ditur se ‘selfie’ kamera do të posedojë 10 megapiksel.

Në anën tjetër, iPhone XS, me gjasë rivali më i afërt i S10, posedon kamerë me kapacitet prej 7 megapiksel, e cila gjithashtu përmban mundësi OIS dhe 4K video incizimi.

Samsung pritet të lansojë të tre variantet e S10 më 20 shkurt në një event në San Francisko. /Lajmi.net/