“Paratë, ose ju vramë”, grabitësit plagosin dy vëllezërit shqiptarë
Dy vëllezër shqiptarë janë plagosur dhe kanë përfunduar në spital pas një grabitje me maska në lokalin ku ata punonin.
Lajme
Ngjarja ka ndodhur në Breshia të Italisë, në një lokal me emrin “Bar Sport”.
Sipas medieve italiane, personat me maska në fytyrë dhe me shkopinj gome u futën në lokal. Duke kërcënuar shqiptarët që ishin tej banakut, u kërkuan t’u dorëzonin paratë në arkë. “Paratë ose ju vrasim”, janë shprehur ata.
Por shqiptarët nuk kanë pranuat duke bërë rezistencë. Grabitësit ishin të shpejtë në veprim dhe i plagosën dy vëllezërit, të cilët u dërguan më pas në spital.
22 dhe 28-vjeçari morën goditje me shkopinj gome në kokë dhe në pjesë të tjera të trupit. Klithmat për ndihmë tërhoqën vëmendjen e kalimtarëve dhe në vend mbërriti policia, por grabitësit, që dyshohet të ishin tre persona ishin larguar. /Shekulli