Njoftim i rëndësishëm për tifozët që do të ndjekin ndeshjen në ‘Elbasan Arena’
Masat e larta të sigurisë për Izraelin kanë detyruar tifozët e shumtë që duan ët ndjekin ndeshjen e kombëtares që të udhëtojnë që gjatë paradites së sotme drejt qytetit të Elbasanit, duke iu frikësuar bllokimit të plotë të rrugës.
Sport
Ndaj Policia e Shtetit, për t’u ardhur në ndihmë mbështetësve të kombëtares, ka njoftuar se si do të funksionojë aksi Tiranë-Elbasan, në mënyrë që edhe publiku të ketë mundësi të kalojë nëpërmjet kësaj rruge para bllokimit.
Policia e Shtetit për t’iu ardhur në ndihmë tifozëve që duan të shkojnë në Elbasan si dhe të gjithë përdoruesve të rrugës Elbasan -Tiranë dhe anasjelltas bën me dije se:
Se lëvizja me automjet nga Elbasani për në Tiranë nëpërmjet tunelit do të jetë e lirë deri në orën 17.00 të ditës së sotme.
Ndërsa lëvizja nga Tirana për në Elbasan nëpërmjet tunelit do jetë e lirë deri në orën 17.30 po të ditës së sotme.
Pas këtij orari sipas kahut të lëvizjes, tuneli do të bllokohet dhe lëvizja do të kryhet nga Durrësi.
Policia e Shtetit ka marrë të gjitha masat për mbarëvajtjen e këtij aktiviteti sportiv, me të njëjtin përkushtim e seriozitet si për çdo ndeshje tjetër ndërkombëtare që është zhvilluar në vendin tonë.
