Lionel Messi realizoi katër gola në fitoren e Barcelonës ndaj Eibarit me rezultat 6:1.

Sulmuesi argjentinas konfirmoi formën e mirë duke shkëlqyer në duelin e radhës në kuadër të La Ligës.

Por, pas paraqitjes fantastike në fitoren e re nga Barcelona, atij i ka ardhur një porosi interesante nga vendlindja e tij në Argjentinë.

E përditshmja “Ole” i ka publikuar një artikull me titullin: “Messi, mendo të shënosh ndonjë gol edhe për Argjentinën”, përcjell “lajmi.net”.

Messi nuk ka shfaqur formë të mirë për Argjentinën që është në rrezik të mbetet pa u kualifikuar në Kampionatin botëror 2018. /Lajmi.net/