Më në fund punësohet Aziz Salihu, ja çfarë funksioni do të kryejë – Lajmi.net
Më në fund punësohet Aziz Salihu, ja çfarë funksioni do të kryejë
Autori: Lajmi.net SportSporti Vendor 12:56, 17 July 2017
Më në fund Federata e Boksit e Kosovës (FboxK) ia ka hapur dyert legjendës së boksit Aziz Salihut.

Ky i fundit prej vitesh është ankuar se është lënë jashtë shtëpisë së boksit dhe çdo organizate tjetër sportive dhe se e kishte të pamundur të kontribuojë në interes të suksesit kosovar në arenën ndërkombëtare.

Por, jo vetëm kaq. Duke mbetur krejtësisht jashtë sportit, Salihu ankohej se e kishte të pamundur ta siguronte një mirëqenie sociale, pasi nuk kishte kurrkah të ardhura financiare.

Para pak muajsh ai ishte i sëmurë, por ishte shëruar në Turqi dhe kur shëndeti i tij u përmirësua u është kthyer kërkesave për angazhim në FboxK ose në Komitet Olimpik të Kosovës (KOK).

Por, është shtëpia e boksit ajo që ia hapi dyert sportistit të shekullit. FboxK-ja ka vendosur t’ia japë një pozitë Salihut.

Detyra të cilën do ta kryejë “Zizi” ende nuk është zyrtarizuar, por punësimi i tij në FboxK është konfirmuar, raporton Zëri.

“Bordi i FboxK-së njëzëri pranoi që z. Aziz Salihu të emërohet në ndonjë pozitë në FboxK”, thuhet në një njoftim të Federatës.

Aziz Salihu ishte i pranishëm në këtë mbledhje të bordit të FboxK-së, bashkë me udhëheqësit e saj, kryetarin Ramadan Selimi, sekretarin Mehmet Bogujevci dhe të tjerët, të cilët shpeshherë i ka akuzuar për “kapje” të Federatës dhe lënien e tij jashtë saj.

Fjalët kyçe: Aziz Salihu

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play iStunt 2
  • Play Berry Rush
  • Play Bike Rivals
  • Play World Soccer Champion