Behar Maliqi dhe Partizani janë ndarë përfundimisht. Mesfushori kosovar nuk është më pjesë e ekipit shqiptar.

Lajmin e kanë bërë të ditur pikërisht të kuqtë nga Tirana, përmes rrjetit social, Facebook.

“Ertan Demiri, Gëzim Krasniqi, Behar Maliqi dhe Elvis Prençi sezonin e ardhshëm nuk konsiderohen si pjesë e skuadrës që do të konkurrojë në sezonin e ardhshëm futbollistik\”, shkruan Partizani në rrjetin social.

\”Pavarësisht konfirmimit të tyre ditë më parë futbollistët në fjalë nuk janë më në planet e drejtuesve të kuq për të vijuar edhe në sezonin e ri. Klubi falënderon të katër lojtarët për kontributin e dhënë dhe me fanelen e kuqe dhe i uron suksese të mëtejshme në karrierën e tyre futbollistike”, përfundon komunikata.