Presidenti amerikan i ka ofruar qeverisë së Irakut deri në 300 këshilltarë amerikanë për të ndihmuar në ndërprerjen e avancimit të militantëve të grupit ISIL-ISIS.

Washingtoni deri tashti nuk i është përgjigjur kërkesës së qeverisë shiite të kryeministrit Nuri al-Maliki për sulme ajrore.

Profili në rrjetin social Twitter i emërtuar  \”Lidhja e përkrahësve\” me mbi 21,000 përkrahës ka ftuar simpatizantët e ISIL që të premten të vendosin porosi që ia tërheqin vërejtjen SHBA-ve për të mos u nisur për sulme ajrore në Irak.

Sulmet e tilla do të ishin kërcënim për të gjithë amerikanët, në rast të sulmit mbi Irakun, thuhet në porosi.

Militantët të mërkurën sulmuan një nga bazat ajrore në Irak në kohën e arritjes së ekipeve të para amerikane, të cilat do të vlerësojnë forcat irakiane të sigurisë dhe të vendosin si tiu ndihmojnë në betejë kundër rebelimit në rritje të sunitëve.

Ushtarakët e parë amerikanë kanë arritur të mërkurën në Irak deh kanë filluar me aktivitetet e tyre. Gjysma e 300 forcave speciale që i ka premtuar presidenti Barack Obama, tashmë gjenden në Bagdad apo në linjat e para të frontit të luftimeve, transmeton BBC.