Mesfusha e Real Madridit do të krijohet nga Kroos, Modric dhe Isco, pasi e kanë magjepsur trajnerin Rafa Benitez në ndeshjen kundër Manchester Cityt.

Reali iu kthye futbollit të bukur sërish dhe krejt kjo ishte meritë e treshes së mesfushës.

Marca shkruan se Isco ka fituar zemrën e Benitezit, i cili në ndeshjen e fundit me Cityn dhuroi dy asistime, për Pepen dhe Cheryshevin, shkruan Express.

Benitez dëshiron që kjo treshe të formoj mesfushën e tij, të cilët do të ndihmojnë treshen e sulmit Bale, Benzema, Ronaldo (BBC).

Në anën tjetër do të ketë vështirësi për kolumbianin James Rodriguez, i cili me vonesë i është bashkuar skuadrës në stërvitje, pasi mori pjesën në Kupën e Amerikës.

James thuhet se do të jetë një konkurrent i fortë për Iscon dhe kjo do të ndihmonte vetëm skuadrën e Real Madridit.