Granatohet godina e Qeverisë së Maqedonisë
Një shpërthim i fuqishëm është dëgjuar sonte rreth orës 21 në afërsi të Qeverisë së Maqedonisë, njoftojnë portale maqedonase.
Lajme
Ministria e Brendshme para pak qastesh, ka konfirmuar se një predhë ka rënë në oborrin e Qeverisë, pranë njërit prej blloqeve të godinës qeveritare, por nuk e ka dëmtuar atë.
Në vendngjarje menjëherë kanë dalë ekipet e antiterrorizmit dhe një numër i madh forcash policore që kanë nisur hetimet.
Dëshmitarë okularë kanë thënë për portalin “Plusinfo” se shpërthimi ka qenë i fuqishëm dhe se është dukur sikur predha ka ardhur nga ana e Kalasë së Shkupit, të cilën nga objekti i Qeverisë e ndan lumi Vardar. /KosovaPress/