Elita 5 mbështet protestën në Tetovë
Grupi Elita 5 i është bashkuar protestës së qytetarëve të Tetovës për t’i thënë stop ndotjes së ajrit.
ShowBiz
Protesta ka moton “Mbrohu ose helmohu, zgjidhje tjetër s’ka” dhe organizohet nga Lëvizja EkoGuerilla dhe po përkrahet edhe nga vokalisti i grupit legjendar “Elita 5”, Arif Ziberi
“Asgjë nuk është më e shtrenjtë se jeta e njeriut. Bashkohu në luftën për ajër”, thotë Ziberi, raporton Lajmpress, transmeton Telegrafi. Ai ka bërë apel për një pjesëmarrje më masive në protestat e sotme që kanë filluar në ora 13.
Ndërkohë kësaj i është bashkuar edhe futbollisti i Mariborit, Agim Ibraimi. “Duhet t’i jepet fund helmimit të ajrit në Tetovë. Nuk durohet kjo gjendje e popullit tonë”, ka porositur futbollisti.
Tashmë disa muaj tetovarët janë duke protestuar vazhdimisht kundër ndotjes që i bëhet qytetit të tyre nga kombiani “Jugohrom”.
Kjo fabrikë punon jashtë çdo standardi, ndërsa Qeveria e Maqedonisë në vend që të marrë masa për mbylljen e tij, ia zgjati kontratën edhe dy vjet.
Si pasojë e saj, Tetova sot është një ndër pesë qytetet më të ndotura në botë, në bazë të rangimit të institutit ndërkombëtar Numbeo. Niveli i ndotjes shpesh arrin maksimalen që mund të matet – 1000 mikro gram në metër kub të grimcave kancerogjene PM10. lajmi.net