Divë deri në fund! I jepet lamtumira e fundit Aretha Franklinit
Mbretëreshës së muzikës soul iu ndërruan një sërë veshjesh gjatë qëndrimit për disa ditë në arkivol, ku të tjerët kishin mundësi t’i bënin homazhe.
ShowBiz
Së pari, Franklin i kishin veshur një fustan të kuq, të kombinuar edhe me këpucë të kuqe, shkruan lajmi.net.
Që prej ditës së parë të homazheve u njoftua se kostumet e saj do të jenë të ndryshme përgjatë katër ditëve të aktiviteteve përkujtimore në qytetin e saj të lindjes, Detroit.
Sot (e premte) për disa orë radhazi ka zgjatur ceremonia e funeralit të Aretha Franklinit, ku të pranishëm ishin familjarë, miq, kolegë e politikanë.
Vlenë të theksohet se në mesin e të pranishmëve ishte edhe Bill Clinton, ndërsa në mesin e atyre që performuan në këtë funeral ishte edhe Ariana Grande.
Këngëtarja u përcoll si një divë e vërtetë, e veçanta e kësaj ceremonie ishte edhe përcjellja deri në varreza nga 100 vetura, të cilat presin që të niset trupi i të ndjerës drejt varrezave, ndërsa arkivoli që bart kufomën është i tëri prej ari.
Mediet e huaja po përcjellin me interes të madh funeralin e mbretëreshës së muzikës “soul”, tash e sa orë janë duke ndjekur live këtë ceremoni.
Trupi i Aretha Franklinit do të pushojë në varrezat e Woodlawn të Detroitit, ndërsa vdiq nga kanceri pankreatik në moshën 76 vjeçare, më 16 gusht. /Lajmi.net/