Distria Krasniqi është kualifikuar në gjysmëfinale të turneut të xhudos Grand-Prix Antalya 2017, që po mbahet në Turqi.

“Disi” rundin e parë e ka kaluar pa luftë, kurse në xhiron e dytë e ka eliminuar izraeliten Ariel Bezalel, duke e fituar Grupin C në kategorinë 52 kilogramë.

Në gjysmëfinale, Distria do të përballet me turken Merve Tas.

Ndërkohë, Fjolla Kelmendi ka humbur në rrethin e dytë në kategorinë 48 kilogramë, raporton zeri.info.

Në rundin e parë ajo e eliminoi turken Melisa Cakmakli, kurse në atë të dytë u mund nga izraelitja Shira Rishony.

Tash, xhudistja pejane do ta kërkojë medaljen përmes repasazhit, ku do të takohet fillimisht me xhudisten nga Azerbajxhani, Aisha Gurbanli.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 7 dhe Samsung Galaxy